Løgreglan leitar nú eftir vitnum til eitt innbrot, har ein munandi peningaupphædd er stolin.

Løgreglan sigur, at talan er um Á-handilin á Landavegnum. Í gjáramorgunin ringdu tey úr Á handilinum á Landavegnum at melda, at har hevði verið innbrot um náttina.

Innbrotið er hent ímillum klokkan 23.21 sunnukvøldið og mánamorgunin klokkan fimm. Innbrotstjóvarnir hava brotið ein rút og eru sloppin inn tann vegin. Inni í handlinum hava tey brotið eitt peningaskáp upp haðani hava tey stolið eina munandi peningaupphædd, sum løgreglan málber seg.

Tí sigur løgreglan, at er tað onkur, sum hevur sæð nakað illgrunasamt har um vegir hesa tíðina, ella kanska hoyrt rútaknas, eru tey vælkomin at siga frá.