Lottoseðilin, sum hevði ein vinning á eina millión evrur – umleið 7,46 milliónir krónur – varð funnin aftur millum seks tons av ruski í Bitonto nærindis Bari í Suðuritalia.

Leitingin vardi í tveir dagar, skrivar Euronews.

Vinnarin hevði kannað seðilin í einum sjálvavgreiðsluterminali í einari tubbaksbúð. Terminalurin vísti, at vinningurin ikki kundi gjaldast út, og tí tveitti vinnarin seðilin burtur.

Stórir vinningar verða tó ikki útgoldnir í handlinum, men skulu útgjaldast eftir einari serligari mannagongd.

Ruskbilurin varð steðgaður

Tá familjan varnaðist mistakið, var ruskið longu heintað.

Ruskbilurin varð kortini steðgaður, áðrenn innihaldið varð tømt. Lastin varð síðani sett undir vápnað eftirlit.

Starvsfólk fóru undir at leita í teimum seks tonsunum av ruski. Um hálvgum seks á morgni varð seðilin funnin heilskapaður í einum skræddum ruskposa.

Gleðin var av sonnum stór hjá vinnaranum og allari familjuni.