Árligi Vinnudagurin varð hildin í Norðurlandahúsinum fríggjadagin við framløgum, kjaki og møguleika hjá fólki úr føroyska vinnulívinum at hittast og knýta sambond.
Nú hevur Vinnuhúsið savnað nakrar av løtunum frá degnum í einum stuttum sjónbandi.
Á skránni vóru bæði føroyskir og útlendskir røðarar, sum viðgjørdu ymisk viðurskifti, ið hava týdning fyri vinnulívið.
Eitt av føstu hæddarpunktunum á Vinnudegnum er handanin av heiðrunum Ársins Virki og Vinnuátakið.
Í ár varð Smyril Line kosið Ársins Virki 2026. Fyritøkan varð millum annað heiðrað fyri góð fíggjarlig úrslit, stórar íløgur og miðvísa endurnýgging av virkseminum.
Ress Spa fekk heiðurin sum Vinnuátakið 2026. Dómsnevndin legði millum annað dent á, at Ress Spa hevur skapt eina serstaka uppliving, har føroyska náttúran er ein týðandi partur av hugskotinum.
Nærum 400 fólk tóku lut á Vinnudegnum í ár.
Vinnuhúsið hevur samstundis boðað frá, at næsti Vinnudagur verður 17. september 2027.
.jpg)
