Sølan av innspældum tónleiki á fysiskum miðlum í Danmark vaks úr 79 milliónum krónum í 2024 upp í 97 milliónir krónur í 2025. Tað er ein vøkstur á 18 milliónir krónur, ella umleið 23 prosent. Tað skrivar Danmarks Statistik.

Stroymingin minkaði

Samlaða tónleikasølan var 811 milliónir krónur í 2025. Tað var 15 milliónir meira enn árið fyri. Hinvegin minkaði stroymingin úr 711 niður í 700 milliónir krónur og stóð fyri 86 prosentum av samlaðu søluni.

Hetta er fyrstu ferð, síðan stroyming kom við í hagtølini í 2012, at vøksturin í tónleikasøluni ikki stavar frá stroyming.

Í 2025 søgdu 22 prosent av dønum, 16 ár og eldri, at tey lurta eftir tónleiki á vinylplátum, fløgum ella kassettubondum. Hjá teimum 75 ára gomlu og eldri var talið 38 prosent.