Ongi úrslit

Mattias er klárur til stóra møguleikan

20 ára gamli havnadrongurin er fyri fyrstu ferð úttikin til A-landsliðið, sum í næstum fer undir eina nýggja UEFA Nations League kapping. Fyrsti dystur verður á Tórsvølli leygardagin klokkan 17:00, tá Kasakstan kemur á vitjan

Mattias Hellisdal er fyri fyrstu ferð partur av A-landsliðnnum - Mynd: www.FSF.fo
fsf.fo/Hans Erik Danielsen
23. sepember kl. 15:45

Hann hevur verið millum stuðulsspælararnar á føroysku ungdómslandsliðunum, í august í fjør skifti hann barndómsfelagið B36 út við Västerås SK, sum spælir í bestu deildini í Svøríki, og í farnu viku var hann fyri fyrstu ferð úttikin til A-landsliðið.

Talan er um 20 ára gamla havnadrongin, Mattias Johnnysson Hellisdal.

Mattias er partur av hópinum hjá Eyðuni Klakstein og Atla Gregersen, sum frá 26. septembur til 6. oktobur skal spæla fýra UEFA Nations League dystir. Tann fyrsti er leygardagin klokkan 17:00, tá Føroyar og Kasakstan møtast á Tórsvølli.

Hópurin fór av álvara undir fyrireikingarnar mánadagin, og áðrenn venjingina seinnapartin týsdagin fekk FSF varpið orðið Mattias Hellisdal, sum gleðir seg til eina spennandi og drúgva landsliðsskrá.

Samrøða við nýggja landsliðsspælaran er at hoyra her:

https://www.fsf.fo/mattias-klarur-til-stora-moguleikan/

Mest lisið hesa vikuna

Her eru tey sløgini av heilsuskaðiligum mjøli sum er selt í Føroyum

20. november kl. 12:43

Ein viti er slóknaður: Minningarorð um Óla Eyðun Eliassen

16. november kl. 07:00

Tað er eitt felag Gunnar ikki ætlar sær at umboða

15. november kl. 23:55

Arbeiðshóhapp: Datt tríggjar metrar niður av einum byggipalli

17. november kl. 07:38

SÍ MYNDIR: Ógvusligur eldur herjaði hjá MEST á Skála

18. november kl. 21:28

Løgmaður er ónøgdur: Hann vil tryggja sær at hetta ikki hendur aftur

17. november kl. 09:28