Landsliðsmálverjin, Mattias Heðinsson Lamhauge hevur góðar vónir undan UEFA Nations League-dystinum ímóti Moldova.
Mánakvøldið vandi føroyski hópurin á Zimbru Stadion í Chisinau, sum er høvuðsstaðurin í Moldova. Áðrenn venjingina fekk FSF varpið orðið á Mattias, ið heilt greitt ætlar sær trý stig.
Landsdysturin millum Moldova og Føroyar verður týskvøldið klokkan 19:00 lokala tíð, sum er klokkan 17:00 í Føroyum.
Í kvøld verður Mattias H. Lamhauge fyri 18. ferð millum føroysku stólparnar.
