Lionel Messi gjørdist mest skorandi spælarin í HM, tá Argentina vann 2-0 á Eysturríki í bólki J í kvøld. Bæði londini høvdu trý stig undan kvøldsins dysti.

Messi kundi undan dystinum yvirhála Miroslav Klose og gerast mest skorandi leikarin til HM-endaspøl.

Messi byrjaði sjálvandi á vøllinum, men hann fekk eina vánaliga byrjan.

Tá dysturin var bara níggju minuttir gamal fekk Argentina brotsspark. Messi fekk ábyrgdina av at skjóta, men bólturin fór skeivu megin stongina.

Hálvan tíma seinni fekk hann hevnd, tá hann frá kantinum á brotsteiginum sparkaði bóltin í netið og gjørdist toppskjútti til HM-endaspøl.

Djúpt inn í eykatíðini skoraði 39-ára gamli Messi aftur.

Messi hevur nú skotið 5 mál til hetta HM-endaspælið.

Seinni í kvøld bresta Irak og Frakland saman, og í nátt spælur Norra móti Senegal meðan Jordan tekur í móti Algeria.