Tá ið Høgni Joensen, skúlastóri á Skúlanum við Løgmannabreyt í Hoyvík, segði seg úr starvi fyrr í ár, varð greitt, at skúlin skuldi hava nýggjan stjóra. Høgni Joensen hevur verið skúlastjóri síðani skúlin varð tikin í nýtslu í 2008

Síðani hava tey søkt eftir stjóra og Skúlablaðið skrivar, at tá ið freistin at søkja starvið fór í gjár, vóru níggju umsóknir komnar.

Skúlin við Løgmannabreyt er ein tvey sporaður skúli og tilsamans  verða 366 næmingar í 1.-9. flokki næsta ár.

Har eru 33 fulltíðarstørv sum lærarar í Skúlanum og afturat sær hevur stjórin tveir varaskúlastjórar.

Frítíðarskúli er á skúlanum, ið hevur egna leiðslu, sum skúlastjórin og starvsfólk skúlans samstarva við, sigur Skúlablaðið.