Fyrr í vikuni skrivaðu vit, at innbrot hevði verið í Á handlinum á Landavegnum.

Har varð ein rútur brotin og tjóvarnir vóru komnir inn tann vegin. Inni var eitt pengaskáp brotið upp og ein munandi upphædd var stolin.

Løgreglan váttar í morgun, at nøkur fólk eru handtikin í málinun. Onkur av teimum eru leyslatin aftur, men onkur er enn í varðveitslu hjá løgregluni. Løgreglan vil ikki siga, hvussu nógv fólk eru tikin, uttan tað, at talan er um meiri enn eitt fólk.

Nú skal støða so takast til, hvussu farast skal fram, um tey skulu í rættin við kravi um at tey skulu varðhaldsfongslast, ella um tey verða leyslatin aftur ímeðan málið verður kanna meiri. Av tí sama vil løgreglan heldur ikki siga meiri um málið í løtuni.