Í av allar fagrasta veðri luttóku tilsamans 98 vaksin og børn í árligu renningini í Klaksvík. Teinurin hjá teimum vaksnu var 5 kilometrar og er júst góðkendur sum kappingarteinur til met og krøv.
Julian Gregersen stóð ovast á sigurspallinum
Hjá monnum vann Julian Gregersen úr Treysti við tíðini 14:53. Tað var bara eitt sekund frá hansara egna føroyska meti. Neli Heldarskarð úr Bragdinum gjørdist nummar tvey við 16:27, og Matthias í Lambanum úr Roysninum endaði á triðja plássi við 17:41.
Hjá kvinnum vann Maria Chun Nielsdóttir úr Bragdinum við tíðini 21:12. Vibeka Eihilt Sivertsen gjørdist nummar tvey við 21:52, meðan Rebekka Fuglø tók triðja plássið við 23:21.
Nógv børn settu dám á dagin
Eisini vóru nógv børn við. 24 børn undir sjey ár runnu 250 metrar, meðan 38 børn undir 15 ár runnu 425 metrar. Sambært Treysta vóru børnini bæði røsk og í góðum lag.
Fleiri rennarar vístu eisini framgongd. Serliga Erik Løksagarð og Niels Juel Arge, sum fyri fyrstu ferð komu undir 20 minuttir á 5 kilometra teininum.
