B36 skrivar soleiðis:

Djóni Samuelsen hevur skrivað undir tvey ára sáttmála við B36. Havnarmaðurin er sprelskur álopsspælari og verður 20 ár í næstum.

- Eg valdi B36, tí eg haldi, at tað tykist sum eitt gott felag, har tað eru góðir møguleikar at menna seg sum spælari. Eg føli, at hetta er rætta stigið fyri meg, og at eg kann fáa nógv burturúr við at flyta meg í eitt nýtt umhvørvi. Eg havi eisini hoyrt nógv gott um felagið, og eg gleði meg at koma í gongd, koma at kenna nýggju liðfelagarnar og at gerast ein partur av hópinum, sigur hann.

Djóni er uppvaksin í HB, men hevur spælt á Toftum seinastu tvey árini. Hann er skrásettur fyri 46 dystir og fýra mál í bestu deildini, umframt at hann fyrr hevur verið rundanum U21-landsliðið.

- B36 er eitt gott stað fyri meg at taka næsta stigið. Í einum góðum venjingarumhvørvi við høgum krøvum og góðari kapping um plássini vænti eg, at eg kann menna meg nógv. Tað snýr seg um at fáa sum mest burturúr hvørjari venjing, lyfta mítt støði og gerast ein meira komplettur spælari. Eg síggi hetta sum eitt natúrligt stig víðari í mínari menning, sigur Djóni.

Sambært FaroeSoccer hevur Djóni Samuelsen spælt 46 dystir og skorað fýra mál í Meistaradeildini.