Ongi úrslit

Nú fer tað at verða væl dýrari at fáa jørð at byggja á

Eyðvitað er jørðin dýrast í Havnini og har um vegir
Áki Bertholdsen
7. oktober kl. 14:58

Nú fer tað verða væl dýrari at útvega landsjørð til at byggja á, ella leggja veg í gjøgnum, og so framvegis.

Í næstum fer Jacob Vestergaard, landsstýrismaður í vinnumálum, at seta eina kunngerð í gildi sum um, hvat tað skal kosta at útvega almenna jørð til ymisk endamál.

Prísurin er ymiskur alt eftir hvar í landinum jørðin er og tað er eisini ymiskt alt eftir um jørðin er velt ella ikki.

Eyðvitað er tann dýrasta jørðin í Havnini og har um vegir og har hevur tað kosta 137 krónur fermeturin at fáa jørð til ymisk endamál. Tann prísurin hækkar nú upp í 183 krónur fyri fermetrar. Her er talan um velt lendi, sum liggur væl fyri, og sum væl kann dyrkast.

Bíligasta jørðin er á útoyggj og á ymsum smábygdum tí har hevur prísurin á haga, sum ikki er gott bit, og sum ikki kann dyrkast, verið 22 krónur fyri fermeturin, men nú hækkar tað upp í 60 krónur.

Og so liggjar prísirnir á ymsari jørð, og á ymsum plássum, onkustaðni ímillum hendan hægsta prís og lægsta prís

 Talvurnar niðan fyri vísir, hvat jørðin kostar nú, og hvat hon fer at kosta. Tann ovara talvan vísir, hvar jørðin kostar nú og tann niðara talvan vísir, hvat hon fer at kosta. Men sum tað sæst, verður tað nú eisini eitt øki færri enn tað eru nú.

 Økið 1:
Tórshavn, Hoyvík, Argir og Hvítanes.

Økið 2:
Klaksvík, Saltangará, Strendur, Toftir, Skála, Runavík, Glyvrar, Nes og Saltnes.

Økið 3:
Eiði, Froðba, Fuglafjørður, Gøtugjógv, Hósvík, Hvalvík, Hvannasund, Innan Glyvur, Kaldbak, Kambsdalur, Kirkjubøur, Kollafjørður, Kvívík, Lamba, Lambareiði, Leirvík, Miðvágur, Norðdepil, Norðoyri, Norðragøta, Norðskála, Nólsoy, Oyrabakki, Oyrareingir, Oyri, Rituvík, Sandavágur, Sandur, Signabøur, Skopun, Streymnes, Syðrugøta, Søldarfjørður, Sørvágur, Trongisvágur, Tvøroyri, Undir Gøtueiði, Vágur, Válur, Velbastað, Vestmanna og Viðareiði.

Økið 4:
Akrabyrgi, Akrar, Ánirnar, Árnafjørður, Bøur, Dalur, Depil, Elduvík, Fámjin, Funningsfjørður, Funningur, Gásadalur, Gjógv, Haldórsvík, Haraldssund, Hattarvík, Hellurnar, Hestur, Hov, Húsar, Húsavík, Hvalba, Kaldbaksbotnur, Kirkja, Kolbeinagjógv, Koltur, Kunoy, Langasandur, Leynar, Ljósá, Lopra, Mikladalur, Mjørkadalur, Morskranes, Múli, Mykines, Nesvík, Norðradalur, Norðtoftir, Oyndarfjørður, Porkeri, Saksun, Sandvík, Selatrað, Skarvanes, Skálabotnur, Skálafjørður, Skálavík, Skipanes, Skúgvoy, Skælingur, Stóra Dímun, Stykkið, Sumba, Sund, Svínáir, Svínoy, Syðradalur (Kalsoy), Syðradalur (Streymoy), Tjørnuvík, Trøllanes, Undir Gøtueiði, Vatnsoyrar, Víkarbyrgi, Æðuvík og Ørðavík.

Mest lisið hesa vikuna

Her eru tey sløgini av heilsuskaðiligum mjøli sum er selt í Føroyum

20. november kl. 12:43

Ein viti er slóknaður: Minningarorð um Óla Eyðun Eliassen

16. november kl. 07:00

Tað er eitt felag Gunnar ikki ætlar sær at umboða

15. november kl. 23:55

Arbeiðshóhapp: Datt tríggjar metrar niður av einum byggipalli

17. november kl. 07:38

SÍ MYNDIR: Ógvusligur eldur herjaði hjá MEST á Skála

18. november kl. 21:28

Løgmaður er ónøgdur: Hann vil tryggja sær at hetta ikki hendur aftur

17. november kl. 09:28