Nýggja sáttmálaskeiðið um koyringina á bygdaleiðum byrjar í dag 1. Mai.

Bygdaleiðir hevur í mong ár verið rikin av privatum bussfeløgum og varð bjóða út nýggjum í januar í ár. Sáttmálaskeiðið er nú longt úr 5 til 7 ár.  

Sáttmálar eru hesuferð gjørdir við færri, men størri veitarum og har í millum eru eisini nakrir nýggir veitarar. 

Allur bussflotin er skiftur út við spildurnýggjar bussar. Talan er um 45 spildurnýggjar bussar, sum byrja at koyra í dag. 

Millum nýggju bussarnar er eisini ein el-bussur, sum ferð at røkja leiðina á Sandoynni. Hetta er fyrsti el-bussurin í Føroyum. Hesin er eitt royndarátak hjá bygdaleiðum at vita hvussu el-bussar royna seg í Føroyum. 

Ein munandi broyting við bussunum er, at allir nú hava lyftu og kunnu tí nú eisini taka í móti rullistólum.

Nýggju bussarnir hjá Bygdaleiðum hava eisini eina innbygda skipan, har brúkarin kann fylgja við hvar á rutuni bussurin er staddur. Hetta fer at verða gjørligt í gjøgnum eina app.