Nýggjur sparkivøllur á Tvøroyri: Fótbóltsstjørnur settu dám á hátíðarløtuna

Nýggjur sparkivøllur á Tvøroyri: Fótbóltsstjørnur settu dám á hátíðarløtuna Nýggjur sparkivøllur á Tvøroyri: Fótbóltsstjørnur settu dám á hátíðarløtuna

Nýggi sparkivøllurin í Tvøroyrar skúla er tikin í nýtslu. Hugskotið kom frá næmingaráðnum, og kend fótbóltsnøvn settu dám á hátíðarløtuna.

Nýggi sparkivøllurin í skúlagarðinum í Tvøroyrar skúla varð tikin í nýtslu við hátíðarløtu í dag.

Edmund Jacobsen

2 tímar síðan

Nýggi sparkivøllurin í skúlagarðinum í Tvøroyrar skúla varð tikin í nýtslu við hátíðarløtu í dag. Verkætlanin varð sett í verk, eftir at táverandi næmingaráðið hevði borið fram ynski um ein sparkivøll í skúlagarðinum.

Myndir: Tvøroyrar kommuna

Næmingarnir tóku stigið

Borgarstjórin, Kristin Michelsen, fegnaðist um, at verkætlanin nú var komin á mál. Skúlastjórin, Jón Johannesen, segði, at hetta var flottasti sparkivøllurin í landinum, og vónaði, at ungdómurin fór at brúka hann nógv.

Fyrrverandi næmingaráðslimurin Hans Henrik Strøm klipti bandið í øðrum endanum, meðan Ólavur og Helena, sum eru nývald í næmingaráðið, kliptu í hinum.

Hátíðarløtan endaði við brotssparkskapping millum Óla Johannesen og Toda Jónsson. Birgir Dimon stóð í málinum, og Todi vann sannførandi 3-0.