HB boðar nú frá fyrsta keypinum, eftir at Mikkjal K. Thomassen hevur tikið við ábyrgdini av besta liðnum.

Tað er miðverjin Oliver Klemensen, sum er fyrsti maður at styrkja um hópin.

20 ára gamli Danski Oliver Klemensen spældi síðsta kappingarár við 07 Vestur, sum flutti niður í næstbestu deildina. Oliver var tann, sum spældi mest av øllum á liðnum hjá 07 Vestur. FaroeSoccer veit at siga, at hann var við í 26 landskappingardystum og tveimum dystum í kappingini um løgmanssteypið.

HB upplýsir, at sáttmálin við Oliver Klemensen er galdandi í trý ár – fram til og við 2029.