Løgreglan hevði tvær rúsdrekkakoyringar á skránni í gjár.

Fyrra málið var stutt undan klokkan átta um morgunin í Saltangará, har ein bilur rendi á ein lyktapela. Tá løgreglan kom á staðið, varð illgruni um, at bilførarin var ávirkaður av rúsdrekka. Blóðroynd varð tikin, og viðkomandi er nú skuldsettur fyri rúsdrekkakoyring.

Seinni sama kvøldið, um átta-tíðina, steðgaði løgreglan einum øðrum bilførara í Eysturoy. Eisini í hesum førinum varð staðfest, at talan var um rúsdrekkakoyring.

Náttin hevur annars verið hampiliga friðarlig hjá løgregluni. Nakrir persónar, sum vóru ov ávirkaðir av rúsdrekka, fingu tó hjálp, so teir komu trygt heim.