Fríggjakvøldið 30. oktober varð 100 ára dagurin hjá Reyða Krossi Føroya hátíðarhildin í Skeiva Pakkhúsi.

Til hátíðarhaldið vóru sjálvbodnir virksemisleiðarar, fyrrverandi og núverandi forfólk, stuðlar og samstarvspartar, umboð fyri Reyða Kross úr grannalondunum og umboð fyri landsins leiðslu.

Tað var eitt hátíðarligt og minnisríkt kvøld við røðum, kórsangi og tónleiki, har høvi var at líta aftur á 100 ár av hjálpararbeiði og ikki minst at heiðra tey mongu sjálvbodnu, sum hava verið við til at byggja upp og menna Reyða Kross Føroya gjøgnum árini.

Hátíðarhaldið varð skipað við stórari vælvild og stuðli frá mongum síðum, og vit eru sera takksom fyri øll tey, sum á ymsan hátt vóru við til at gera kvøldið møguligt.

Ein serlig tøkk til Tórshavnar Manskór, undir leiðslu av Jón Festirstein, fyri flottan kórsang og stóra vælvild. Hjartans tøkk til Vibra og til Lív Næs og Trónd Enni fyri vakra tónleikin. Eisini takk til Óluvu Zachariasen fyri at leiða okkum ígjøgnum kvøldið, og til AVlux, Hotel Føroyar og Faroephoto fyri gott samstarv og vælvild.

Hjartans tøkk fyri stuðulin og fyri eitt minniligt kvøld.

Myndir: Faroephoto