Vón Artic er 85,5 metrar langt og tekur upp í 2.500 tons av alifóðri.

Skipið skal sigla regluliga millum Noregs, Íslands og Skotlands. Áðrenn tað kom til Føroya, hevði tað lastað alifóður frá BioMar í Noregi.

Vón Artic er sætta skipið í flotanum hjá Sandship í Fuglafirði. Hini skipini eru Vón Feeder, Vestland, Vitin, Vestborg og Sandfrakt.

Skal brúka minni olju

Vón Artic hevur verið til umbyggingar í Póllandi í fimm mánaðir. Skipið hevur fingið eina nýggja skipan frá Emerson, sum stýrir motori og skrúvu og skal minka útlátið.

Sambært Suna Justinussen, stjóra í Magn, væntast skipanin at minka oljunýtsluna við 15–20 prosentum. Hon kostaði umleið tvær milliónir danskar krónur.

Magn skal veita Vón Artic brennievni og smyrjiolju.