Komandi leygardag og sunnudag verður framsýningin í Gamla skúla í Leirvík opin fyri seinastu ferð. Framsýningin, sum hevur verið opin hvørt vikuskifti í summar, tekur støði í útgrevstrinum á Toftanesi.

Gripir úr útgrevstrinum

Á framsýningini eru fleiri av gripunum, sum vórðu funnir undir útgrevstrinum á Toftanesi.

Gestir kunnu eisini ogna sær eina eftirgerð av brosjuni, sum varð funnin á Toftanesi. Brosjan er 26 millimetrar í tvørmáti, úr bronsu ella silvuri og gjørd í Borre-sniði. Gullsmiðurin Ghita Ring hevur gjørt eftirgerðina.

Framsýningin er opin leygardagin 12. september frá klokkan 10 til 17 og sunnudagin 13. september frá klokkan 13 til 17. Atgongdin er ókeypis.