Í gjár var ferðsludeildin hjá løgregluni á ferð og kannaði ferðsluna. Løgreglan sigur, at seks bilførarar vórðu tiknir, og teir fáa allir bæði bót og klipp í koyrikortið.

Fimm bilførarar vórðu tiknir fyri at tosa í fartelefon ímeðan teir koyrdu og tað fingu teir 1.500 krónur í bót fyri, umframt at teir fingu klipp í koyrikortið. Tríggir av teimum vórðu tiknir í Havn og hinir báðir vórðu tiknir Millum Fjarða.

Ein varð eisini tikin fyri at koyra alt ov skjótt Millum Fjarða, Hann koyrdi 108 kilometrar um tíman og tað fær hann eisini bót og klipp í koyrikortið fyri, tí har er bara loyvt at koyra 80. Bótin er einar 2.000 krónur.