Á bátastevnuni í Vestmanna um vikuskiftið hendi eitt óhapp har ein bátur sigldi á Vaktar- og Bjargingarskipið, Brimil.

Stoyturin var so harður, at tey fýra fólkini í bátinum fóru á Landssjúkrahúsið - men talan var kortini bara um smásnuddir.

Løgreglan ikki viljað sagt eitt orð um málið uttan tað, at málið verður kannað og at fólk skulu avhoyrast.

Tað hevur fingið fólk at illgita, at løgreglan leggur lok á málið fyri at halda hondina yvir fólkum í bátunum, sum sigldi á.

Men hetta avsannaði løgreglan og í dag sigur løgreglan at nú er eitt fólk skuldsett fyri at bróta á bæði revsilógina og lógina um trygd á sjónum.

Løgreglan sigur, at kanningararbeiðið heldur fram og fyri ikki at ávirka kanningararbeiðið hava tey ikki fleiri viðmerkingar í løtuni.