Ongi úrslit

Stuttsøgukapping á Torradøgum: Vinn 10.000 krónur við søgu um Flemish Kap

Øll kunnu luttaka í nýggjari stuttsøgukapping á Torradøgunum í Klaksvík. Evnið er Flemish Kap, og besta søgan fær 10.000 krónur.

© Klaksvíkar kommuna.
Flemish Kap er evnið í nýggjari stuttsøgukapping á Torradøgunum í Klaksvík. Besta søgan fær 10.000 krónur, og øll kunnu luttaka.
Edmund Jacobsen
48 minuttir síðan

Klaksvíkar kommuna hevur skrivað út eina stuttsøgukapping í sambandi við Torradagarnar, sum verða hildnir 15.–20. februar 2027. Luttakararnir skulu skriva eina stuttsøgu við heitinum „Flemish Kap“.

Fyrsta virðisløn er 10.000 krónur, og onnur virðisløn er 5.000 krónur.

Kappingin er opin fyri øllum. Tað er ikki neyðugt at hava verið á Flemish Kap fyri at vera við.

Stuttsøgan skal vera millum 1.200 og 1.500 orð, skrivað á føroyskum og má ikki hava verið útgivin áður. Annars hava luttakararnir fríar hendur.

Dómsnevndin avger, um virðislønir verða latnar.

Freistin er 15. januar

Handritið skal sendast sum Word-skjal til torradagar@klaksvik.fo í seinasta lagi 15. januar 2027 klokkan 18.

Navn og bústaður hjá høvundinum skulu upplýsast, men dómsnevndin fær søgurnar uttan nøvn.

Í dómsnevndini sita Dorit Hansen, Eilen Anthoniussen og Annika Egholm.

Vinnararnir verða avdúkaðir á Torradøgunum leygardagin 20. februar.

Meira fæst at vita um kappingina her.

Mest lisið hesa vikuna

Nøkur orð um skyldmannin Allan Enghamar

15. november kl. 04:55

Løgreglan lukkaði eitt skeinkistað í Havn í nátt og koyrdu øll á dyr

15. november kl. 09:12

Ein viti er slóknaður: Minningarorð um Óla Eyðun Eliassen

16. november kl. 07:00

Soleiðis fáa tey nógv betri kjøt úr hjallinum

15. november kl. 13:23

Ein nuanserað viðmerking til eina nuanseraða samrøðu

14. november kl. 14:27

Par kom til ilnar á alfaravegi

14. november kl. 09:08