Heilsufrøðiliga Starvsstovan ávaar nú ímóti einum slagi av vaflurullum, sum er at fáa í Føroyum.

Talan er um »LEMANFEN Strawberry Waffle Roll«  sum ávarað verður ímóti og orsøkin er, at har er ymiskt í, sum nøkurfólk ikki tola.

Heilt ítøkiliga er talan um.
LEMANFEN Strawberry Waffle Roll
Nettovekt: 48x52g CN
Best fyri: 07-2027
Uppruni: Kina

Orsøkin er, at har eru bæði egg og mjólk í rullunum, uttan at tað kortini stendur á pakkanum.  Tað merkir, at fólk, sum ikki tola egg og mjólk, kunnu verða sjúk av at eta hesar vaflurullurnar.

Tey, ið ikki tola egg ella mjólk, eiga ikki at eta hesar vaflurullurnar, men tey eiga at koyra tær í skrell, ella fara aftur í handilin við teimum, sigur Heilsufrøðiliga Starvsstovan.