Seinnapartin í gjár varð ringt til løgreglun at siga frá, at eldur var í eini bingju á skrelliplássinum í Klaksvík.

Tey í sløkkiliðnum vóru skjót á staðið og fingu sløkt eldin áðrenn nakar skaði hendi.

Men løgreglan sigur, at tá ið bingjan varð kannað, komu til ta niðurstøðu, at tað vóru nøkur gomul battarí, sum høvdu fest eld í. Tey høvdu ligið í skrellinum, og tað hevði elvt til so nógvan hita, at tað festi í.

Løgreglan sigur, a gomul battarí skulu IKKI koyrast í skrell saman við tí vanliga burturkastinum frá húsarhaldinum, men tey skulu burturbeinast fyri seg.