Føroyski landsliðsvenjarin, Peter Bredsdorff-Larsen, vísir staðiliga aftur, at føroysku hondbóltstjørnurnar nakrantíð fara at gerast aktuellar fyri danska OL-landsliðið.

Altjóða Olympiska Nevndin (IOC) sum aftur hevur sligið fast, at bert altjóða viðurkendir og sjálvstøðugir statir kunnu luttaka við egnum olympiskum landsliðum.

Tí kunnu Føroyar framvegis ikki luttaka undir egnum flaggi.

Hóast hetta heldur Bredsdorff-Larsen ikki, at eitt danskt OL-landslið við føroyskum leikarum, nakrantíð verður veruleiki.

-Eg tori væl at siga, at tað ongantíð verður aktuelt, reglur ella ei. Tað finnast ikki nógv fólk, sum eru stoltari av at umboða sítt land enn hesir dreingirnir, sigur hann við SE og HØR.