ES-nevndin skrivar á heimasíðu teirra, at fiskiveiðivirksemið hjá ES í Norðsjónum og Norðuratlantshavinum er tætt knýtt at virkseminum hjá grannalondunum Bretlandi, Noregi, Føroyum og Íslandi.

Sambært ES-nevndini eru nógvir av fiskastovnunum felagsstovnar, sum ferðast tvørtur um landamørk, og tí er neyðugt við tøttum samstarvi millum londini.

Komissiónin vísir á, at tey fimm londini og økini samskipa sítt virksemi, tí ymisku fiskiflotarnir ikki altíð hava áhuga í somu fiskasløgum.

Hetta hevur við sær, at londini umsita fleiri fiskastovnar í felag, og at kvotur verða býttar millum partarnar fyri at tryggja, at fiskiveiðumøguleikarnir verða gagnnýttir til fulnar.

Sambært ES-nevndini verða summir av hesum fiskastovnunum umsitnir gjøgnum Nordatlantens afiskerikommission (NEAFC), meðan aðrir verða umsitnir við serstøkum avtalum millum strandarlondini.

Komissiónin undirstrikar eisini, at hesar avtalur hava stóran týdning fyri ein stóran part av fiskiflotanum hjá ES, serliga avtalan við Noreg.

ES hevur í dag tvíliðaðar fiskiveiðiavtalur við Bretland, Noreg, Føroyar og Ísland. Avtalurnar fevna um felags umsiting av fiskastovnum og býti av fiskikvotum í teimum havøkjum, har londini hava felags áhugamál.