Talið av illgrunasomum ebola-tilburðum í Demokratiska Lýðveldinum Kongo er minkað munandi eftir eina nýggja gjøgnumgongd hjá Heimsheilsustovninum WHO.

Sambært WHO eru í løtuni skrásettir 116 illgrunasamir tilburðir av ebola. Tað er ein stór minking samanborið við teir 906 illgrunasomu tilburðirnar, sum stovnurin upplýsti um fríggjadagin.

Samstundis eru 321 váttaðir smittutilburðir og 48 deyðsføll skrásett í sambandi við sjúkuna.

Stóra niðurskrivingin kemur av, at WHO um vikuskiftið hevur gjøgnumgingið fráboðanirnar nærri og hevur staðfest, at fleiri hundrað av teimum áður illgrunasomu tilburðunum ikki vóru ebola.

Nýggju tølini geva heilsumyndugleikunum eina neyvari mynd av støðuni, men arbeiðið við at fylgja smittuspjaðingini og avmarka hana heldur fram.