Ongi úrslit

Tónleikakappingin Pan-ArcticVision kemur til Føroya

Marius DC skal umboða Føroyar, tá ið arktiska "Eurovision" savnar tónlistafólk úr norðara pólkringi til eina altjóða tónleikaveitslu. Áhoyrarar verða við til at kjósa vinnaran 2. oktober kl. 19 í Norðurlandahúsinum.

Tíðindaskriv
29. sepember kl. 07:55

Fyri fyrstu ferð verða Føroyar vertur fyri finaluni í Pan-ArcticVision. Tónleikarar úr Alaska, Kanada, Grønlandi, Íslandi, Føroyum og Sápmi hittast í Tórshavn til eitt kvøld, har tónleikur, mál og mentanir úr Arktis koma saman á einum palli.

 

Føroyska umboðið er rapparin og sangarin Marius DC, sum fer at kappast ímóti átta øðrum umboðum úr norðara pólkringi. 


Luttakararnir eru:

 

Annie Bartholomew við Kat Moore – Juneau, Alaska

Piunguałaq & Tooma – Kangiqtiniq (Rankin Inlet) & Iqaluit, Nunavut

Nuunu – Sisimiut, Kalaallit Nunaat

Falinn Gjóður – Reykjavík, Ísland

Marius DC – Tórshavn, Føroyar

Ivar Beddari – Páččjok/Pasvik, Norðurnoreg/Sápmi

Klara Pasma – Pajala, Norðursvøríki

Niko Valkeapää & Miro Mantere – Norðurfinnland/Sápmi

Roman Gladyshev – Murmansk / russiska Arktis (í útlegd)

 

Áhoyrararnir fáa ein virknan leiklut í finaluni, tá ið vinnarin skal veljast. Men Pan-ArcticVision snýr seg ikki bara um kapping. Tiltakið setur sjóneykuna á tónleikalívið í norðri og skapar ein felags pall fyri listafólk og felagsskapir, sum búgva tvørtur um langar leiðir og landamørk.

 

Føroyski sangarin Anna Sofía Skoradal verður vertur hetta kvøldið, og eisini eru gestaframførslur við Dóttir / Súsannu Herálvsdóttur og øðrum á skránni.

 

Pan-ArcticVision hevur áður verið hildið í Norðurnoregi, Grønlandi og Kanada. Føroyar hava verið umboðaðar av Guðrið Hansdóttur, Ester Skála og Dóttir.


Atgongumerkir kunnu keypast á nlh.fo

 

Tá ið finalan er liðug, heldur veitslan fram á OY, har tað frá kl. 23.00 verður livandi tónleikur og ókeypis atgongd.

 

Pan-ArcticVision er ein verkætlan hjá NORDTING og verður framleidd í samstarvi við lokalar kreftir í Føroyum.

Mest lisið hesa vikuna

Her eru tey sløgini av heilsuskaðiligum mjøli sum er selt í Føroyum

20. november kl. 12:43

Ein viti er slóknaður: Minningarorð um Óla Eyðun Eliassen

16. november kl. 07:00

Tað er eitt felag Gunnar ikki ætlar sær at umboða

15. november kl. 23:55

Arbeiðshóhapp: Datt tríggjar metrar niður av einum byggipalli

17. november kl. 07:38

SÍ MYNDIR: Ógvusligur eldur herjaði hjá MEST á Skála

18. november kl. 21:28

Løgmaður er ónøgdur: Hann vil tryggja sær at hetta ikki hendur aftur

17. november kl. 09:28