Tað hevur ikki gingið nakað serligt hjá Tottenham í seinastuni, og nú hevur felagið gjørt av at koyra “The Special One” til hús.
Tað boðar felagið frá á heimasíðu sínari.
Uppsøgnin hendir í vikuni upp til týdningarmesta dystin hetta kappingarárið, tá Tottenham og Manchester City hittast í Liga Cup-finaluni.
Mourinho tók yvir í november 2019, eftir at táverandi venjarin, Mauricio Pochettino, fekk durafjórðingin, men tað hevur verið so sum so við úrslitunum hjá portugisanum, sum ongantíð ordiliga fekk sett sítt merki á liðið.
Í løtuni er Tottenham á einum sjeynda plássi í Premier League.
Sambært enskum miðlum verður tað Ryan Mason, ið hevur eina fortíð sum spælari í felagnum, og Chris Powell, ið koma at taka sær av liðnum restina av hesum kappingarárinum.