Tríggir læknar í Sandoynni: Nú skulu umstøðurnar á læknamiðstøðini betrast

Tríggir læknar í Sandoynni: Nú skulu umstøðurnar á læknamiðstøðini betrast Tríggir læknar í Sandoynni: Nú skulu umstøðurnar á læknamiðstøðini betrast

Gunnhild Helmsdal, Guðrun Zachariassen og Ása J. Jacobsen starvast nú á læknamiðstøðini í Sandoynni. Samstundis vilja kommunurnar bøta um hølisviðurskiftini.

Myndin er tikin tá kommunurnar formliga heilsaðu Gunnhild vælkomnari. Frá vinstru síggjast Kristian Oskar Henriksen, borgarstjóri í Sands kommunu, Jákup Andrias Thomsen, bygdaráðslimur Skúgvoyar kommuna, Anita Joensen, varaborgarstjóri Skálavíkar kommuna, Gunnhild Helmsdal, kommunulækni, Anna P. L. Olsen, borgarstjóri Húsavíkar kommuna og Marjun S. Debes, borgarstjóri Skopunar kommuna.

Edmund Jacobsen

7 tímar síðan

[ Tín lýsing her ]

Kommunurnar í Sandoynni fara nú at kanna, hvussu umstøðurnar á læknamiðstøðini kunnu betrast bæði hjá starvsfólkunum og teimum, sum nýta læknamiðstøðina.

Læknamiðstøðin varð bygd og tikin í nýtslu í 1980-árunum, og sambært kommununum eru krøvini í dag onnur enn tá. Kommunurnar staðfesta eisini, at verandi umstøður ikki eru tær bestu.

Tríggir læknar í starvi

Gunnhild Helmsdal tók 1. februar 2026 við sum ein av trimum læknum í Sandoyar læknadømi. Hon hevur áður starvast sum kommunulækni í Vestmanna og gjørdist eisini kend sum læknin, ið ofta var at hoyra í útvarpinum undir koronufarsóttini.

Hon hevur harumframt vart ph.d.-ritgerðina Long COVID í Føroyum. Saman við henni starvast Guðrun Zachariassen og Ása J. Jacobsen sum læknar á læknamiðstøðini í Sandoynni.