Kappingareftirlitið hevur móttikið fráboðan um, at Sp/f Gráastein, Sp/f Ango og Sp/f 07.05.2026 leggja saman.

Feløgini ætla framyvir at reka uppisjóvarvirksemið undir einum. Tey hava hvør sær uppisjóvarfiskirættindi, men meta, at tað er meira lønsamt at leggja rættindini saman.

Felag undir stovnan er partur av samanleggingini

Sp/f 07.05.2026 er eitt felag undir stovnan hjá Sp/f Undir Mølini. Felagið er stovnað í sambandi við kloyving av P/f Kinnfelli.

Eftir samanleggingina fer felagið at eiga og reka skipið Birita.

Møguligar viðmerkingar til yvirtøkuna skulu vera Kappingareftirlitinum í hendi í seinasta lagi mikudagin 22. juli 2026.