Fólkatingið fer 12. august at hava orðaskifti við forsætisráðharran og útlendinga- og integratiónsráðharran um Schengen-samstarvið og ytru landamørkini hjá ES.

Orðaskiftið tekur støði í teir nógvu migrantarnar, sum seinastu tíðina eru komin til spanska býin Ceuta í Norðurafrika.

Venstre, Dansk Folkeparti, Liberal Alliance, Konservative og Danmarksdemokraterne hava biðið um orðaskiftið.

Óttast avleiðingar fyri Danmark

Flokkarnir vilja hava at vita, hvørjar avleiðingar støðan í Ceuta og trýstið á ytru landamørkini hjá ES kunnu fáa fyri Danmark og Schengen-samstarvið.

Stjórnin skal eisini greiða frá, hvørji átøk hon ætlar at seta í verk fyri at styrkja verjuna av ytru landamørkunum. Harumframt verður spurt, um Danmark er til reiðar at verja síni egnu landamørk, gerst tað neyðugt.

Orðaskiftið 12. august byrjar klokkan 10 danska tíð og varir í tveir tímar og 15 minuttir. Ein møgulig atkvøðugreiðsla verður 13. august klokkan 10.