Í gjár gjørdi løgreglan ferðmátingar á einum vegastrekki har bilførarar ofta verða tiknir fyri at koyra ov skjótt.

Talan um tað strekkið á Velbastaðvegnum sum gongur ímillum Millum Horna og Norðasta Horn. Har er ikki loyvi at koyra 80 sum nógv halda, men bara 60.

Og í gjár mistu tveir bilførarar koyrikortið, annar fyri at koyra 82 og hin fyri at koyra 98. Teir mistu tað treytað, og tað merkir, at teir kunnu halda fram at koyra, men mugu taka koyrikortið um aftur í næstu framtíð.

Men tann, sum koyrdi 98 var akkurát á markinum til at missa tað á staðnum, tí hevði hann koyrt 101, ella tríggjar kilometrar skjótari, hevði hann mist tað treytaleyst og slapp ikki at koyra aftur fyrr enn hann hevði tikið tað av nýggjum.