Ongi úrslit

Tveir ungir bilførarar fingu koyriforboð

Áki Bertholdsen
9. desember 2025 kl. 07:44

Afrur í gjár varð løgreglan á ferð og gjørdi ferðmátingar. Hesa ferð var tað Eysturoyggin og Norðurstreymoy, sum stóðu fyri tørni.

Og tað varð dýrt hjá fleiri bilførarum. Løgreglan sigur, at tveir bilførarar vórðu tiknir í bygdum øki í Eysturoy fyri at koyra góðar 70 kilometrar um tíman har tað annars er loyvt at koyra 50. Tað fáa teir bæði bót, og klipp í koyrikortið fyri.

Verri var hjá tveimum ungum bilførarar, sum koyrdu á strekkinum ímillum Hvalvík og Kollafjørð. Har er loyvt at koyra 80, men har koyrdu tveir ungir bilførarar so skjótt, at teir fingu rætt og slætt koyriforboð.

Tað fingu teir tí at teir vóru so ungir, at teir hava havt koyrikortið styttri enn trý ár. Teir vórðu skuldsettir fyri at koyra beint undir 120 kilometrar um tíman, og tað er nokk hjá nýggjum bilførarum til at fáa koyriforboð.

Annars fekk ein bilførari eisini bót, tí at ymsar perur á bilinum ikki lýstu.

Mest lisið hesa vikuna

Her eru tey sløgini av heilsuskaðiligum mjøli sum er selt í Føroyum

20. november kl. 12:43

Ein viti er slóknaður: Minningarorð um Óla Eyðun Eliassen

16. november kl. 07:00

Tað er eitt felag Gunnar ikki ætlar sær at umboða

15. november kl. 23:55

Arbeiðshóhapp: Datt tríggjar metrar niður av einum byggipalli

17. november kl. 07:38

SÍ MYNDIR: Ógvusligur eldur herjaði hjá MEST á Skála

18. november kl. 21:28

Løgmaður er ónøgdur: Hann vil tryggja sær at hetta ikki hendur aftur

17. november kl. 09:28