Hetta seinasta samdøgurið hevur verið friðarligt hjá løgregluni. Í gjár hendur tvey ferðsluóhapp, men talan var bara um skrokkskaða og ikki um fólkaskaða.

Á Kaldbaksvegnum mátti ein bilførari høgga bremsurnr í fyri einum seyði, men bilurin, sum kom aftan á, kláraði akkurát ikki at bremsa, men bar við bilin frammanfyri.

Og á strekkinum ímillum Hellurnar og Oyndafjørð fór ein bilur oman av vegnum, men heldur ikki har var nakar fólkaskaði.

Summarfestivalurin er byrjaður í Klaksvík, men har hevur verið friðarligt. Onkuntíð mátti løgreglan upp í at fáa fólk at dempa tónleikin úr einum privatum hava, og mitt í nátt varð ein stórur rútur upp á 1,15 metur ferðir 2,40 metrar í einum virkisbygningi, brotin. Tey sóu ein mann halda til beins, men sóu ikki hvør tað var. Løgreglan kanna málið og sløkkiliðið setti plátur fyri.