Samstundis verður eisini Ocean Connectivity Conference hildin.
Millum høvuðsrøðararnar eru ES-kommisserurin í hav- og fiskivinnumálum, Costas Kadis, og fyrrverandi íslendski forsætisráðharrin, Katrín Jakobsdóttir. Bæði fara tey at røða til setanina 26. mai.
Vælkomumóttøka og almenn tiltøk
Longu 25. mai verður vælkomumóttøka á Tórsvølli frá klokkan 16 til 18. Sama kvøld verður eisini alment tiltak í Kongshøll um smátjóðir og stórveldastríð.
Ráðstevnan verður lýst sum tann størsta altjóða ráðstevnan, sum nakrantíð hevur verið hildin í Føroyum. Umleið 200 framløgur verða á skránni.
Dagsatgongumerki til sølu
Nú ber eisini til at keypa dagsatgongumerki til ráðstevnuna. Í prísinum eru miðmáli, kaffi, te og ábit íroknað.
Luttakarar, sum koma týsdag 26. mai, kunnu keypa atgongd til eina móttøku í Tórsgøtu um kvøldið. Prísurin er 20 evrur, svarandi til umleið 150 krónur.
Mikudagin 28. mai verður eisini endamóttøka við heitinum Ocean Night.
