Alt verður, sum tað frammanundan er ásett. Fyrsta bríksl í Conference League dystinum millum NSÍ og Hamrun Spartans  í Klaksvík í kvøld verður klokkan 19.45.

Maltesiska felagið Hamrun Spartans heitti annars á UEFA um at útseta dystin í fyrsta lagi til í morgin og í øðrum lagi til seinni í kvøld. Tað gjørdi felagið, tí ferðalagið úr Malta ikki lendi í Vágum fyrrenn stutt fyri døgurða. Ferðalagið fór frá húsum við leiguflogfari tíðliga í gjár, men heldur enn at gista í Klaksvík, sum ætlanin var, so endaði ferðalagið í gjárkvøldið í Bergen, tí tað var mjørki í Vágum.

Karstin Joensen formaður í NSÍ segði á døgurða í FM1 útvarpinum, at teir í NSÍ blandaðu seg ikki í avgerðina hjá UEFA, sum nú hevur staðfest, at dysturin í Klaksvík verður í kvøld klokkan 19.45.

 NSÍ - Hamrun Spartans: Kevin O'Sullivan kl. 19.45.