Demokratarnir hava vunnið bæði Umboðsmannatingið og Senatið á amerikanska miðskeiðisvalinum. Tað skrivar DR við tilvísing til tíðindastovuna AP.

Flokkurin hevur tryggjað sær 53 sessir í Senatinum og minst 218 sessir í Umboðsmannatinginum.

Ein av størstu óvæntaðu sigrunum er í Texas, har demokratarnir hava vunnið bæði ein senatssess og guvernørvalið.

James Talarico er fyrsti demokraturin, sum hevur vunnið eitt senatsval í Texas síðan 1988.

– Vit hava júst vunnið Texas aftur, segði hann við fegnar stuðlarar.

Demokratarnir hava eisini tikið sjey senatssessir frá republikanarunum.

Fyrrverandi forsetin Barack Obama sigur, at amerikanararnir hava sent greið boð.

Hann heitir á demokratarnar um at brúka nýggja politiska valdið til at fremja broytingar og forða fyri meiri skaða.

Donald Trump hevur framvegis tvey ár eftir av forsetaskeiði sínum.