Ongi úrslit

Vága Floghavn broytir parkeringsskipanina: Nú hevur tú bara 48 tímar at rinda

Freistin at eftirrinda parkering við Vága Floghavn er stytt úr 72 niður í 48 tímar. Parkeringsgjøldini eru tó óbroytt.

© Kortal.
Nú skal tað ganga skjótari: Hevur tú gloymt at rinda fyri parkeringina við Vága Floghavn, hevur tú nú bara 48 tímar at avgreiða gjaldið, áðrenn rokning og ómaksgjald kunnu koma afturat.
Edmund Jacobsen
1. oktober kl. 18:00

Vága Floghavn hevur lagt parkeringsskipanina um til nýggja Autopay-pallin. Fyri flestu bilførarar verður lítil munur, men ein týðandi freist er nú eitt samdøgur styttri.

Hevur tú koyrt av parkeringsøkinum uttan at rinda, hevur tú nú 48 tímar at eftirrinda á heimasíðuni hjá Vága Floghavn. Áður var freistin 72 tímar.

Verður ikki goldið innan freistina, verður rokning send eigaranum av akfarinum, og ómaksgjald verður lagt afturat.

Gjøldini eru óbroytt

Parkeringsgjøldini eru óbroytt. Tað er framvegis ókeypis at parkera við flogvøllin í styttri enn tveir tímar.

Fyri tey, sum regluliga brúka parkeringsøkið, er heldur ikki neyðugt at gera nakað øðrvísi enn áður. Einasta sjónliga broytingin er á gjaldsautomatunum, har nýtslumarkamótið er broytt eitt sindur.

Umleggingin varð framd 29. september. Orsøkin er, at Simplyture, sum hevur veitt parkeringsskipanina hjá Vága Floghavn, fyrr í ár varð lagt saman við norsku fyritøkuni Autopay.

Nýggj app kann avgreiða gjaldið sjálvvirkandi

Við nýggju skipanini ber eisini til at brúka Autopay-appina. Tá verður bilurin sjálvvirkandi skrásettur, tá hann koyrir inn og út, og parkeringsgjaldið verður avgreitt við gjaldskorti.

EasyPark-appin kann framvegis brúkast sum áður.

Mest lisið hesa vikuna

Her eru tey sløgini av heilsuskaðiligum mjøli sum er selt í Føroyum

20. november kl. 12:43

Ein viti er slóknaður: Minningarorð um Óla Eyðun Eliassen

16. november kl. 07:00

Tað er eitt felag Gunnar ikki ætlar sær at umboða

15. november kl. 23:55

Arbeiðshóhapp: Datt tríggjar metrar niður av einum byggipalli

17. november kl. 07:38

SÍ MYNDIR: Ógvusligur eldur herjaði hjá MEST á Skála

18. november kl. 21:28

Løgmaður er ónøgdur: Hann vil tryggja sær at hetta ikki hendur aftur

17. november kl. 09:28