Forsøgn galdandi til fríggjamorgunin

Lot til frískt lot av útsynningi, 3 til 8 m/s, skýggjað og turt, í støðum sólglottar. Seinnapartin gongur hann niður í sunnan, skýggjað og okkurt ælið støðum. Í kvøld og í nátt lítið lot sunnan, minni enn 5 m/s, samdrigið og okkurt ælið. Hitin 9 til 13 stig.

Fríggjadagin

Lot til frískt lot sunnan, 3 til 8 m/s, skiftandi skýloft og ælaveður. Út á fyrrapartin gongur hann vesturum til útsynning og veksur vindin upp í frískt lot til frískan vind, 5 til 10 m/s. Tá líður á seinnapartin slítur í. Um kvøldið lítið lot av útsynningi, 3 til 8 m/s, hálvskýggjað og okkurt ælið í støðum. Um náttina lítið lot sunnan, minni enn 5 m/s, skýggjað okkurt ælið. Hitin 10 til 14 stig.

Leygardagin

Lítið lot sunnan, minni enn 5 m/s, skýggjað og ælaveður. Seinnapartin fer hann vesturum til útsynning, samdrigið og regn, stundum grovt regn. Fram ímóti kvøldi slítur í, tó okkurt ælið í støðum. Um kvøldið lot til frískt lot av útsynningi, 3 til 8 m/s, skýggjað og okkurt ælið. Fram ímóti midnátt samregn. Hitin 9 til 13 stig.

Sunnudagin

Lot til frískt lot av útnyrðingi, 3 til 8 m/s, hálvskýggjað og ælaveður. Seinnapartin veksandi vindur upp í frískan upp í strúk, 8 til 13 m/s, skýggjað og okkurt ælið. Hitin 7 til 13 stig.

Mánadagin

Frískur vindur upp í strúk av útnyrðingi, 8 til 13 m/s, skýggjað og okkurt ælið. Seinnapartin minkandi vindur niður lot til frískt lot, 3 til 8 m/s. Hitin 7 til 13 stig.  

Týsdagin

Lítið lot av ymsum ættum, minni enn 5 m/s, smáskýggjað við sólglottum og turt. Um kvøldið og náttina lot til frískt av landsynningi, 3 til 8 m/s, ádrigið og sum frá líður samregn. Hitin 8 til 14 stig.