Virðislønir M.A. Jacobsens fyri 2026 verða handaðar hósdagin 1. oktober klokkan 17 í Auluni í Finsen í Tórshavn. Tiltakið er ókeypis.
Í ár verða fýra virðislønir latnar: fyri barnamentan, fagurbókmentir, yrkisbókmentir og annað mentanaravrik.
Borgarstjórin handar virðislønirnar
Kvinnukórið Fljóðljóð syngur undir hátíðarhaldinum. Heidi Lava Elgeirsdóttir, forkvinna í mentanarnevndini hjá Tórshavnar býráð, bjóðar vælkomin, og Elsa Berg, borgarstjóri, handar virðislønirnar.
Virðislønir M.A. Jacobsens hava røtur aftur til 1958, tá Tórshavnar býráð stovnaði virðislønina. Endamálið er at heiðra fólk fyri týdningarmikil bókmentalig og mentanarlig avrik.
Fýra vórðu heiðrað í fjør
Í 2025 fekk Marjun Syderbø Kjelnæs virðislønina fyri fagrar bókmentir fyri skaldsøguna Marta Marta. Kinna Poulsen fekk virðislønina fyri yrkisbókmentir fyri bókina Í eygnahædd. Um samtíðarlist í Føroyum í 21. øld.
Hans Tórgarð varð heiðraður fyri mentanaravrik, meðan Elin á Rógvi fekk Barnamentanarheiðursløn Tórshavnar býráðs fyri bókina Fornt.
