Náttin hevur bjóðað upp á regnæl yvir teir stóru náttúrueldarnar vestan fyri Bordeaux, sum hava herjað seinastu dagarnar.
Tað regnaði í nátt og hevur tað møguliga tálmað eldinum, men leygarmorgunin sæst framvegis týðiligt eldvirksemi á fylgisveinamyndum.
Samstundis veksur vindurin úr vestri og útnyrðingi, og tað kann fáa eldin at breiða seg enn nærri Bordeaux og kringliggjandi bústaðarøkir.
Sjálvt 222 km eystanfyri økið, í einum býi sum eitur Lemoges, luktar av royki, og sólin vinnur ikki ígjøgnum gráa teppi sum hongur yvir landspartin.
141.000 fólk eru higartil flýdd undan eldunum í útsynningspartinum av Fraklandi, og fleiri øki vestan fyri Bordeaux eru nú eisini rýmd.
Skógareldarnir í ár eru óvanliga harðir, bæði í Fraklandi og Spania.
Langvarandi hiti, turrur gróður og harður vindur er orsøkin til teir nógv fleiri og størri náttúrueldar enn vanligt.
Tveir sløkkiliðsmenn hava latið lív í sambandi við skógareldarnar í Bordeaux/Gironde-økinum.
Higartil hava fronsku myndugleikarnir ikki boðað frá nøkrum deyðsføllum millum sivil.
Myndir: Privat og Instagram
.jpeg)
