“111 góðir dagar” er útvaldur til Stockfish Film Festival í Reykjavík
Filmurin "111 góðir dagar" eftir Trygva Danielsen, er útvaldur til Stockfish Film Festival 2022, sum er ein filmfestivalur í Reykjavík.
Sigurjón Einarsson
18. mars 2022 kl. 17:30
Filmurin verður at síggja í Bioparadis í Reykjavík tann 25. apríl, har Trygvi Danielsen eisini verður til staðar.
Tað skrivar føroyska sendistovan í Reykjavík á sínum Facebook-vanga.
Birkblog skrivar um filmin, at fyrsti filmurin hjá Trygva Danielsen er forloysandi og, hóast sýrutur og flipputur í støðum, hevur eina greiða søgugongd.
Á Facebook-síðuni hjá filminum verður sagt, at ”111 góðir dagar er ein spælifilmur á 93 minuttir. Hann snýr seg um tvær vilstar sálir, sum hittast ferð eftir ferð undir margháttligum umstøðum í Havn. Tað vísir seg, at teir eru samantvinnaðir av onkrari størri megi.”
Filmurin “111 góðir dagar” vann Geytan í 2018.
.png){kind=logo}