Aftur í ár vóru sera nógvar umsóknir um stuðul til gransking. 46 umsóknir komu inn til árligu freistina í februar.
Søkt varð um tilsamans 52,7 mió. kr.
Av teimum 8 verkætlanunum, ið faknevndin fyri stuðli til gransking hevur játtað stuðul til, eru 4 ph.d.-verkætlanir. 63% av verkætlanarleiðarunum eru kvinnur og 38% menn.
Avgerðirnar hjá faknevndini eru grundaðar á fakligar metingar frá útlendskum serfrøðingum og á strategiskar metingar fyri gransking í Føroyum.
Løgtingið hevur játtað 9 mill. kr. til stuðul til gransking í ár. Tað er tað sama sum í fjør. Avlop frá lidnum og steðgaðum verkætlanum varð játtað afturat, tí var samlaða játtanin 9,3 mió. kr.
Stuðul er latin til hesar verkætlanir:
Rannvá Næs Hoydal: "Kroppurin í fornnorrønari gudafrøði. Ein tvørfaklig tilgongd til kropsmyndamál í fornnorrønari gudafrøði."
Ph.d.-verkætlan á Háskúla Íslands – 1.200.000 kr.
Anna Eikhólm: ”Føroyski leisturin: Menning av sernámsfrøðiligari vitan í alenna skúlanum.”
Ph.d. verkætlan á Námsvísindadeildini á Fróðskaparsetrinum – 1.700.000 kr.
Thomas Ulrich: ”Broytandi viðurskifti í havevnafrøði út frá havbotnsmineralum.”
Verkætlan á Clausthal University of Technology í Týsklandi – 1.100.000 kr.
Ása Jacobsen: ”Uppvakstrarøki hjá fiski á føroysku firðunum og tilgongd í vinnuliga troyttar fiskastovnar á landgrunninum.”
Verkætlan á Havstovuni – 1.058.965 kr.
Knud Simonsen: “Háupployst vindatlas fyri Føroyar.”
Verkætlan á Veðurstovuni – 486.790 kr.
Eivy Kristiansen: ” Hugburður og upplivingar hjá sjúkrarøktarfrøðingum í mun til trúnað og privatlív í einum lítlum sub-arktiskum samfelagi: Ein blandað háttalagskanning.”
Ph.d. verkætlan á Deildini fyri heilsu- og sjúkrarøktarvísindi á Fróðskaparsetrinum – 1.700.000 kr.
Pætur M. Holm: ”Betran av artrosu-viðgerð í Føroyum.”
Verkætlan á Heilsugranskingareindini í Sjúkrahúsverkinum – 1.100.000 kr.
Elsa Krosstein: ”Greining av upprunanum hjá føroyingum, grundað á genomiskar dátur”
Ph.d. verkætlan á Københavns Universitet í samstarvi við Heilsustýrið og Fróðskaparsetrið – 1.000.000 kr.
