Sum vit skrivaðu fyrr í morgun, endaði býráðsfundurin í Havn í gjárkvøldið í ruðuleika.
LES MEIRI UM TAÐ HER: Sjey býráðslimir í Havn rýmdu av býráðsfundi
Elsa Berg, borgarstjóri skrivar á Facebook, at hon skilir væl, at andstøðan roynir at brúka eina støðu sum hesa til at markera seg.
– Men eg haldi ikki, at tað hóskar seg, at býráðslimir rýma av fundi, bara tí teir ikki dáma luktin í bakarínum, sigur hon.
– Tað eru ikki øll mál, ið øllum dámar líka væl, men fyri tað skal man gera tað arbeiði, ið borgarin hevur valt teg til, leggur hon afturat.
Hon heldur, at nál um gegni, har tann, ið tað snýr seg um, ikki viðurkennur gegnistrupulleikan, eru altíð keðilig.
– Men tað, at eitt mál er keðiligt, er ikki nøkur orsøk til at renna undan ábyrgd, sigur Elsa Berg.
Men hon sigur, at hon hyggur frameftir, og hon fegnast um, at fíggjarlógin varð samtykt í fullari semju, og at fleiri onnur mál eisini vórðu avgreidd.