Prísvøksturin í Evropa fall í juni til 2,8 prosent. Marknaðurin hevði væntað 3,0 prosent.

Talan er um fyrsta fallið í fýra mánaðir, samanborið við sama mánað árið fyri. Tað skrivar danski miðilin Euroinvestor.

Kjarnuinflatiónin, har orku- og matvøruprísir ikki verða roknaðir við, fall samstundis til 2,4 prosent. Væntað varð 2,6 prosent.

Rentutrýstið linkar

Tølini lætta trýstið á Evropeiska centralbankan, ECB. Serliga tænastuprísirnir hava leingi verið ein trupulleiki hjá bankanum.

Frederik Romedahl Poulsen, chefstrategur í Velliv, heldur kortini, at ECB helst hækkar rentuna eina seinastu ferð á fundinum í september.

Góð tíðindi fyri bústaðareigarar

Søren Kristensen, cheføkonomur í AL Sydbank, kallar tølini góð tíðindi fyri ECB, danskar bústaðareigarar og fyritøkur.

Hann metir kortini, at ein rentuhækking seinni í ár framvegis er sannlík. Samstundis sær hann vaksandi møguleika fyri, at rentan verður lækkað aftur tíðliga í 2027.