Ein misti koyrikortið og tveir fingu klipp Ein misti koyrikortið og tveir fingu klipp

Eina løtu seinnapartin í gjár var løgreglan á Skálafjørðinum har tey gjørdu ferðmátingar á Skálafjarðarvegi á syðra armi á fjørðinum. Har vórðu tríggir bilførarar tiknir upp á ein tíma. Ein koyrdi alt ov skjótt, ella heilar 129 kilometrar um tíman á einum strekki har tað var loyvt at koyra 80, so hann misti koyrikortið. Ein annar varð tikin fyri at koyra 101 á einum strekki har tað er loyvt at koyra 80 og tað er akkurát nokk til at hann fær klipp í koyrikortið. Harumframt koyrdi ein bilførari 88 og á einum strekki har tað var loyvt at koyra 70 so hann fær klipp í koyrikortið. Allir hesir bilførararnir fáa eisini bót.