Samráðingar um tríggjar týðandi uppsjóvarfiskastovnar byrjaðu í London í dag. Á skránni eru bæði mest loyvda veiðan í 2027 og framtíðarbýtið millum strandarlondini.
Tað upplýsir Uttanríkis- og fiskimálaráðið.
Tríggjar samráðingar í tvær vikur
Samráðingarnar byrjaðu týsdagin 13. oktober við svartkjafti. Her luttaka Føroyar, Bretland, ES, Ísland og Noreg.
Mikudagin og hósdagin verður norðhavssildin á skránni. Tá hittast umboð fyri Føroyar, Bretland, Ísland, Noreg og Russland.
Í næstu viku verður makrelurin viðgjørdur. Tær samráðingarnar verða týsdagin, mikudagin og hósdagin. Tá luttaka Føroyar, Bretland, ES, Grønland, Ísland og Noreg.
Skulu semjast um veiðuna í 2027
Høvuðsmálið er at finna semju um mest loyvdu veiðu í 2027 við støði í vísindaligu ráðgevingini frá ICES.
Strandarlondini skulu eisini samráðast um, hvussu veiðan skal býtast millum londini í framtíðini.
Harumframt skulu tey viðgera útbreiðslufrágreiðingar, veiðuhagtøl, umsitingartiltøk og tiltøk hjá NEAFC.
