Eftir átta ár sum stjóri í Norðurlandahúsinum leggur Gunn Hernes nú frá sær. Fríggjadagin 12. juni verður almenn fráfaringarmóttøka í forhøllini í Norðurlandahúsinum, har øll eru vælkomin at siga henni takk fyri arbeiðið.

Átta ár á odda fyri Norðurlandahúsinum

Gunn Hernes varð sett sum stjóri í Norðurlandahúsinum av Norðurlandaráðnum og tók við starvinum 1. juni 2018. Áðrenn tað hevði hon starvast sum framleiðsluleiðari í Norðurlandahúsinum í Íslandi og hevði drúgvar royndir innan mentanarøkið og almenna umsiting.

Hon hevur eisini arbeitt við altjóða pallslist og verið verkætlanarleiðari fyri tónleika- og mentanartiltøk.

Almenn móttøka í juni

Móttøkan verður 12. juni klokkan 16.00 og varir til klokkan 18.00. Síðani fer DJ Haraldsen at spæla tónleik, meðan Tita hevur opið.

Gunn Hernes er fødd og uppvaksin í Noregi og hevur útbúgving innan mentanarøkið frá Høgskolen i Telemark umframt skeið innan list og mentan í Danmark.