Hjá tveimum monnum, sum fóru í fjøllini oman fyri Hvannasund, gekk ikki sum ætlað. Menninir, sum vóru føroyingar skiltust, tí annar fór oman aftur í bilin, men hin vildi síggja eitt sindur meir.
Tá ið hann so ikki kom fram, vórðu boð send eftir løgregluni. Løgreglan sigur, at bjargingartyrla, fjallaklintrarar, politistar og staðkendir menn vórðu boðsendir.
Tey fingu eyga á mannin, sum hevði gingið seg fastan í brattlendinum og slapp hvørki aftur ella fram.
Løgreglan sigur, at nakrir staðkendir mans fóru ímóti honum og fingu leiðbeint hann um, hvussu hann skuldi ganga seg burtur úr knípuni.
Fyri eini løtu síðani vóru tey so á veg oman aftur við honum, hann var kaldur so hann fekk okkurt heitt at fara í, so hann hevur tað gott, sigur løgreglan.
